Ae Ghizaal e shab!
teri piyaas kaise bujhaoon main,
ke dikhaon main wo saraab jo meri jaan main hai.
wo saraab saahir e khof hai,
jo sahar se shaam ke rehguzar main fareb e rah-raw e saada hai,
wo saraab zaada, saraab gar, ke hazaar soorat e nau-ba-nau main qadam qadam pe sitaada hai,
wo jo ghalib o hama geer dasht e gumaan main hai,
Mere dil main jaise yaqeen ban ke sama gaya
mere hast o bood pe chhaa gaya
Ae Ghizaal e shab!
ussi fitna kaar se chhup gaye
meri der o zood bhi khuwab main
mere nazd o door hijaab main
wo hijaab kaise uthaon main jo kasheeda qalib e dil main hai
ke main dekh paon duroon e jaan
jahan khof o gham ka nishan nahin
jahan ye saraab rawan nahin
Ae Ghizaal e shab!
Ae Ghizaal e shab!