mushk us ki yaadon gi......

[sarmad786]

Re: mushk us ki yaadon gi…

@Innocent_Smile

**mushk us ki yaadon ki yun rachi mere lail o nihar main
humain shehr e dil ki veerani ka ehsaas tak na raha

khud ko azmany ki khatir lia tha imtehaan us ka
hansi hansi main yun barhay gi baat ehsas tak na raha

wo toR gaya dori wafa ki, sab moti bikhar gaye
ada ke zo’am main usay khata ka ehsas tak na raha

tham ke hath tera chaltay rahay taptay sehra main kab tak
saalon ki musafaton ki thakan ka bhi ehsaas tak na raha

dobay yun us husn-parast ki waraftgiyon main hum
dhal jaye ga umar ka chand ik din ye ehsaas tak na raha

teri judaai ke sab dard jab se seh liye hain hansty hansty
humain wehshat e doran ki takleef ka ehsaas tak na raha

anaa ki sulagti rahon pe chal paray hum kab, kese!
apnay jalty hoye sapnon ka bhi ehsaas tak na raha

maal o mata ki chah main daikho to ho gaye hain kia se kia
ghairon ki to choron humain apnon ka bhi ehsaas tak na raha**

v nice … i liked it …

Chalo Is Shaam Koi Aur Hi Kissa Sunate Hain
Chalo Is Shaam Usko Hum Sire Se Bhool Jaate Hain,
Chalo Is Shaam Koi Aane Wala Khwab Bunte Hai,
Chalo Is Shaam Kaliyan Nahi Kaanto Ko Chunte Hain,
Chalo Is Shaam Jashn-E-Tergi Hans Kar Manayein Hum,
Chalo Is Shaam Usko Phir Sire Se Bhul Jayein Hum…