Shehar ki bheer mein
beech baazaar mein
ik dhamaaka huaa
aur waan sey bohat duur
ik gaon mein
aik gori key haathoun mein
chan chan chanakti hui chooriyan
reza reza huein
aur waan sey bohat duur
aik doosrey shehar key
aik kamrey mein
kuch jaam takraaye thay
qahqahey chand hontoun pey lehraaye thay
aur yoon
teen be-rabt sey zaaviye mil gaye
ik musallas banaa
karb kaa!