Musaafir

Arts & Culture Poetry ( Intikhaab & Sho'ra-e-Gupshup)
1
**gaye dinon kaa suraag lekar kidhar se aayaa kidhar gayaa vo ** **ajiib maanuus ajanabii thaa mujhe to hairaan kar gayaa vo **

**Khushii kii rut ho ke gum kaa mausum nazar use dhuundhatii hai har dam **
**vo buu-e-gul thaa ke nagmaa-e-jaan mere to dil men utar gayaa vo **

**vo maikade ko jagaanevaalaa vo raat kii niind uraanevaalaa **
**na jaane kyaa us ke jii men aaii ki shaam hote hii ghar gayaa vo **

**kuchh ab sambhalane lagii hai jaan bhii badal chalaa rang aasmaan bhii **
**jo raat bhaarii thii tau ga_ii hai jo din karraa thaa guzar gayaa vo **

**shikastaa_paa raah men kharraa huun gaye dinon ko bulaa rahaa huun **
**jo qaafilaa meraa ham_safar thaa misl-e-gard-e-safar gayaa vo **

**bas ek manzil hai bul_havas kii hazaar raste hain ahal-e-dil ke **
**ye hii to hai farq mujh men us men guzar gayaa main Thahar gayaa vo **

**vo jis ke shaane pe haath rakh kar safar kiyaa tuune mannzilon kaa **
**terii galii se na jaane kyuun aaj sar jhukaaye guzar gayaa vo **

**vo hijr ki raat kaa sitaara vo ham_nafas ham_suKhan hamaaraa **
**sadaa rahe us kaa naam pyaaraa sunaa hai kal raat mar gayaa vo **

**bas ek motii sii chhab dikhaa kar bas ek miithee sii dhun sunaa kar **
**sitaaraa-e-shaam ban ke aayaa barang-e-Khayaal-e-sahar gayaa vo **

**na ab vo yaadon kaa charhataa dariyaa na fursaton kii udaas barkhaa **
**yuun hii zaraa sii kasak hai dil men jo zaKhm gaharaa thaa bhar gayaa vo **

vo raat kaa benavaa musaafir vo teraa shaayar vo teraa ‘Nasir’
**terii galii tak to ham ne dekhaa phir na jaane kidhar gayaa vo **

2

Re: Musaafir

:(

3

Re: Musaafir

nice to read again thx :k:

4

Re: Musaafir

nice one....thnx!

5

Re: Musaafir

Very very nice!

6

Re: Musaafir

Very nice :k:

7

Re: Musaafir

buhut khoob ji :)

8

Re: Musaafir

Thanks Daanie,Prince,Farooq,Maham and lonely......

9

Re: Musaafir

Nice one Saroo!

Fara