By
Abdaal Baila
Pehli baar hum college ki seerhion pay milay thay
Tum charh raheen theen
Main utar raha tha
Tum charhti raheen, main ruk gaya
Tum charh gaen, main ruka raha
Mujhe ilm tha, kabhi tu tum utro gi
Main tumharay har raastay main khara rehta
Main speed-breaker nahi tha
Na barrier tha
Main koi rookta tha
Main tu raasta tha...aur tum mujh main chalti thi
Main tu chup rehta tha
Sirf dekha kerta tha
Dua deta tha
Aur duaon ko qabool kernay valay say tum ko maangta tha
Magar mairi dua qabool na hue
Halaan-kay tum meharban hogaen theen
Muskura kay mujh say baat kerti the
Mairi har baat ka javab daiti
Maira haal poochti
Kae baar hum ikhattay sarak par paidal chalay
Tum har naei car ki taraf dair tak dekhti rehti
Aur main soochta
Kay ik din aaise hi aik car main
Tujh ko bitha kar
Aaise tamam sarkon say guzron ga
Jin par hum paidal chalay
Uss ki front seat sirf tumhari hogi
Jab tum vahan na betho gi tu koi aur vahan nahi bethay ga
Magar hamaray paas na car aae, na tum aaen
Reading room main aksar
Hum ikhathay mil kar perhtay
Main kurse par betha hota, tum maiz pay beth jaateen
Apnay kandhon tak bikhray raishmi baloon say saari rooshni samait laiteen
Andhaira ker daiteen
Phir nigahain utha kay takteen, tu bijliyan chamakteen
Tumhari aankhon kay laal dooray muskuratay
Tumharay gaal phool jatay
Tum qehqahay lagateen
Maira khoon barhta rehta
Tumhari rangat kitni saaf thi... crystal se bhi shaffaf...aur malae say bhi mulaim
Kitni baar jee chaha kay tumhain hath laga kay dekhon
Cho kay dekhon
Magar kabhi choa hi nahi
Haan aik baar tum nay qehqaha lagatay hue..mairay hath pay hath mara tha..
Usse din main samjha kay mairay hath pay qismat ki lakeer khud gae hogi
Magar baad main na-jaanay kaise voh lakeer mit gae
Aik baar tumhain koi kitab chahiye the
Market se voh gaeb the, imtehan sar par tha aur tum pareshan theen
Tum nay mujhe kaha
Jaise bhi ho, kal shaam tak voh kitab chahiye
Bus main uss sham se agli shaam tak jiya hon
Aur jab voh kitab main nay tum ko la kar di the... tu main Sikandar-e-Azam tha. Magar phir tum nay mujh se kabhi kuch na maanga. Shayad tum jaan gaen theen kay main tum par qurban honay kay bahanay dhoondta hon.
Shayad isse liye baad main tum muhtaat hogaen
Aik baat tum mujhe milnay hostel aaen
Mairi eid hogae
Maira sar chat say lag gaya... mairay qadam zameen say kae meel uper uth gae
Maine tumharay liye chae banae
Qehvay main doodh dala
Magar cheeni na mili
Tum nay pheeki chae pi li... aur meethi meethi batain keen
Agli shaam tum phir aaen, magar mairi bad-naseebi, main kaheen bahar gaya hua tha...
Tum apnay ghar se aik plate main cheeni daal kay laen
Mairay hostel say vapis jaatay hue...tumharay hath say voh plate gir gae
Cheeni bikhar gae
Plate toot gae
Tum mayoos chali gaen
Shaam ko jab main vapis palta..tu mairay aik dost nay sari kahani sunae... main bhagta hua uss maidan main gaya...jahan say tum guzri theen...
Jahan plate giri the...aur cheeni bikhri the
Andhairi raat main ghaanse kay aik aik tinkay se lagay cheeni kay aik aik zarray ko apni palkon say chooma..uthaya
Bikhray hue saray tabarruk ko samaita
Tooti hue cheeni ki plate kay tukron ko dhonda
Aur voh saari raat
Main apnay kamray main
Areal-diet kay saath uss plate kay tootay tukray joorta raha
Subah tak plate jur gae aur main nay usse apnay trunck main sab se Qeemti asasa samajh kar sambhal kay rakh liya..
Magar hum bikhar gae
College kay baraamdon kay thanday farash par chaltay chaltay hum kitni batain kertay
Auron kay ishq ki baatain kertay
Magar apni baat kabhi na ki
Shayad voh gair-zaroori tha..tum jaanti theen.. main jab bhi aaise koi baat kehnay kay liye gehray gehray saanse laita...zara sa chup hota
tumhari aankhain bol parteen, muskurateen, thapthapateen aue kehteen..
Hum jaantay hain
Shayad yeh mughalta tha
Shayad isse liye main hara
Magar hum main koi muqabila thori tha...agar tum jeeti ho tu main so baar haron kay mairi jeet tu tumhain jitana thi
Tumhain chinees soup ka shoq tha
Hum aksar vahan jaatay...chicken corn soup peetay
Tum kabhi mairay sath scooter pe na bethteen
Tumhain scoter per beethnay say dar lagta
Mujhe tumhain scoter pe bithanay se sharam aati
Tum mujh se milnay kay liye kisi ki car pe lift laikar aati
Main hotel se door scoter chupa kay aata
Kitni dair hum sath sath kursion par beethay rehtay, aik dosray ko taktay rehtay
Aik baar
Tum nay baton baton mainapnay ghar ka address diya
Aur kaha
Kabhi aana
Voh mairi zindagi ka khush-kismat tareen din tha
Main tumharay ghar pooncha...aik bara vasee-o-areez mehal
Jahan kae insaan tumharay kutton kay nokar thay
Aik lambi car tumharay baap kay gairadge main khari thi
Main nay ghanti bajae
Aik nokar aaya
Naam, pata aur kaam poocha
Maine kuch bataya ...kuch na bataya
Sahab aaram kar rahay hain
Phir aaye ga
Shukriya
Aur main chala aaya
Aur phir
Bohat arse baad aaise hi aik car main maine tumhain dekha
Magar voh tumharay baap ki car nahi the
Car kay samnay
Main sarak kay beechon beech khara tha
Car chalanay valay nay tumhara hath pakra hua tha
Aur tumhara sar uss kay kandhay se laga hua tha
Tum dono ki nazrain sarak pe na theen
Aur mairi nazar car kay rukh ki jaanib na the
Aik zannatay say voh car mujh se takrae
Aur mairay upar se guzar gae
Shayad aagay ja ker tum logon nay break lagae ho
Baad ka mujhe kuch yaad nahi
Kay uss kay baad maine tumhain kabhi nahi dekha
Loog kehtay hain...main uss din mar gaya tha
Magar tum kuon ghabrati ho
Yahan kuon se aaise adalat hai jo tum pay muqadma chalae gi
Phir tum qatil bhi kab ho
Main dekhnay main vaqae zinda hon
Yeh alag baat hai kay tum ko mairi mout ka shao'or nahi...
Very nice worth reading.....
Buhat Khoob:flower1:…
Thnx for Sharing:k:…
Exactly… Worth Readin:k:…
Oh God, I read it all, this is so…touchy 
Jahan plate giri the…aur cheeni bikhri the
Andhairi raat main ghaanse kay aik aik tinkay se lagay cheeni kay aik aik zarray ko apni palkon say chooma..uthaya
Bikhray hue saray tabarruk ko samaita
Tooti hue cheeni ki plate kay tukron ko dhonda<<<
^ Thanks a lot for reading such a great piece of poetry although I wasn’t expecting any reply in this thread…Thanks again…
b/w… Its a choice of my lovely friend… 
This whole story seems to be true,except the final accident part, cuz this is very simple and in very straight forward manner, no twist or difficult wordings…In the back ground I was in the ned or ku… not me, but reminding the uni days, not mine but in general! thanks a bunch this unique peice of art
This poetry is from the Book “Sun Flower” writen by Abdaal Baila… He is a great writer no doubt… You can find lovely poetry in that…
You are Welcome … :~)
[QUOTE]
*Originally posted by P}{ä®mä©Ï§t: *
This poetry is from the Book "Sun Flower" writen by Abdaal Baila... He is a great writer no doubt... You can find lovely poetry in that...
You are Welcome ... :~)
[/QUOTE]
hmm... interesting, but I heared his name first time, sorry for my ignorance, but seems to be nice open poetry :)
[QUOTE]
*Originally posted by ?: *
hmm... interesting, but I heared his name first time, sorry for my ignorance, but seems to be nice open poetry :)
[/QUOTE]
Yeh u are right... kafi logon nay in ka naam nahi suna hua...aur yeh waqae hairat angaiz baat hai... jabkay in ki poetry la-javab hai...
wow, waqaii main bohat khoobsurut hai.. mae ney poori purhi hai.. :k::k: aur me ney bhi poet ka naam nahi suna howa thaa.. lakin ye poem waqaii main kamaal ki hai .. 
Its interesting and worth reading. Haan kaee aisay bhee hote hain jin ko kisee ke maut ka shaoor naheen hota :(
can’t believe i read all of it 
it’s so simple na may b dat’s da reazon of it bein beutiful
hmmmmmmmmm u know wat pharma, i was wrong abt ur taste, it’s not acha, it’s zubardust na
Thanks a lot Seema… per yeh choice mairi baad main hai… pehlay kisi aur ki hai… Thats the Choice of " Man de Mouj" … jab maine perhi tu maine yahan post ki… other wise mujhe in poet kay baray main bataya bhi MdM nay hi hai… He has got a marvelous choice..
Thanks Vivacious and Capricorn for reading :~)
WoW…all credit goes to you Pharma…it was your hardwork putting it in writing and you have an excellent choice too and thanks a lot Pharmacist for for bringing in my name…Well, I never wanted you to say all that about me…I am too new and junior to sustain all this, its your mind, a lovely one that I always regard and honor…and I shall.. Insha Allah
its amazing
thnx for sharing 
Superb :k::k::k:
[QUOTE]
*Originally posted by Man de Mouj: *
WoW....all credit goes to you Pharma....it was your hardwork putting it in writing and you have an excellent choice too and thanks a lot Pharmacist for for bringing in my name....Well, I never wanted you to say all that about me....I am too new and junior to sustain all this, its your mind, a lovely one that I always regard and honor....and I shall.. Insha Allah
[/QUOTE]
Well Thanks Irfan ... but thats the truth...I came to know about Abdaal baila because of you... you really deserve such appriciation I must say :~)...
nice choice…Abdaal Baila ki poetry waqei khoobsoorat aur lasani hai…in ki infiradiyat ka jawaab nahi…and thnx Pharmacist for putting this in and sharing it with us…
k:
Awesome :k:
omg…this is like the most beautiful thing i have read…:k: comparing it to other type of poetry i have been reading it doesnt seem technically correct…but a wonderful read…:k: thanks for posting pharma :k: