Couple of ghazals of Mumtaz Raashid…i feel his shayari is simple and very touchy 
mujh se meraa kyaa rishtaa hai har ik rishtaa bhuul gayaa
itane aa_iine dekhe hain apanaa cheharaa bhuul gayaa
ab to ye bhii yaad nahiin hai farq thaa kitanaa donon mein
us kii baatein yaad rahiin aur us kaa lahajaa bhuul gayaa
pyaasi dharti ke honThon par meraa naam nahiin to kyaa
main vo baadal kaa tukaDaa huun jis ko dariyaa bhuul gayaa
duniyaa vaale kuchh bhi kahen “Raashid” apani majabuurii hai
us ki gali jab yaad aaii hai ghar kaa rastaa bhuu gayaa
aaj bhi hain mere qadamon ke nishaan aawara
teri galiyon mein bhaTakate the jahaan aawara
tujh se kyaa bichhaDe to ye ho gai apani haalat
jaise ho jaaye havaaon mein dhuaan aawaraa
mere sheron ki thi pahachaan usi ke dam se
us ko kho kar hue benaam-o-nishaan aawaraa
jis ko bhii chaahaa use TuuT ke chaahaa “Raashid”
kam milenge tumhen ham jaise yahaan aawaraa
thanks
