**Mujh ko shikwa nahi aye kaatib e taqdeer magar,
Ro parhey tu bhi agar mera muqaddar daikhey
Devta husn k daikhey boht khud sarr daikhey
Ham ne bhi laug jo daikhey tau wo patthar daikhey
Aaj bichray hoye loogon ko sada de aye dil
Teri aawaz pe Shayad koi murh karr daikhey
Lab hain khamosh magar dil mai dhuwa’n utth’ta hai
Ham NE chup chap sulagte huwe paykar daikhey
Meri nazro’n mai sitaro’n ki haqiqat kia hai
Maine palko’n pe larztey huwe gauhar daikhey
mujhko chhalki hui harr aankh se dar lagta hai
Kaisey toote huwe dil dard k manzar daikhey
Mujh ko shikwa nahi aye kaatib e taqdeer magar
Ro parhey tu bhi agar mera muqaddar daikhey…!**