Mujhey raat gaye tak bahir rehney per rokti rehti thi
Main us ki baatein sun kar hansi mein uchaal deta tha
Kal say jaldi aaon ga kah ker taal deta tha
Who mujhey deekh kar muskra deti thi
Aur pyaar sey chapat laga deti thi
Main usey bohat satata tha bohat nakhrey deekhata tha
Woh her baar merey naaz uthati thi
Woh merey sadkey wari jati thi
Raat key kisi pahar bhi ghar jo aata us ko apna muntizar pata
Din raat us kay pyaar ki barsat hoti
Us ki duwahain hameesha meray saath hotin
PER AB
Zindagi main who baat nahi hai
Kyu kah who meray saath nahi hai
Us kay pyaar bina dil ki zameen sookhi hai
Ek wohi mukhlis thi sari duniya rokhi hai
Ghar jab loton who nigahain dhoondta hon
Sama jaon jin main who bahain dhoondta hon
Un jaghoon ko deekhta rahta hon jahan beth kay who mera intzaar karti thi
Main ghantoon apna chahra deekhta hon jahan who mujhay pyaar karti thi
Teri dua kay bagair sarkon per nikal jata hon
Her kadam her rastay per thoker khata hon
Maan to meray liay khuda ki soorat hai
Tu lout aa kah mujhay abhi teri zaroorat hai
Main ghar jaldi lout aaon ga Khuda kasam tujhay kabhi na sataon ga
Teri khidmat sobha shaam karon ga jo kahay gi who her kaam karon ga
Meray kaan phir say muntizar hain ek baar phir who lori suna day
Ek arsa hua main soya nahi
Tu apni goud main mujhay sula day
Kaash kabhi aisi duyahaan na martein
Kaash kisi ki maien na martein
Auther: Unknown
Just felt like sharing this urdu poem. May Allah bless all the mothers in the world.It is just a reminder of remembering our mothers in our prayers and do as much as we can for her, in this life and for hereafter.