Mujhey Apne Zabt Pe Naaz Tha

Arts & Culture Poetry ( Intikhaab & Sho'ra-e-Gupshup)
1

I’ve been hooked on Iqbal Azeem’s poetry lately… here’s one of my favorites:

Mujhey apne zabt pe naaz tha, sar-e-bazm raat yeh kya huwa
Meri aankh kaisey chalak gayi, mujhe ranj hai yeh bura huwa

Meri zindagi ke charagh ka yeh mizaaj koi naya nahiN
Abhi roshni abhi teergi, na jala huwa na bujha huwa

Mujhe jo bhi dushman-e-jaaN mila, wohi pukhta kaar-e jafa mila
Na kisi ki zarb ghalat pari, na kisi ka teer khata huwa

Mujhe aap kyuN na samajh sake, kabhi apne dil sey bhi poochiye
Meri dastaan-e hayaat ka tow, waraq waraq hay khula huwa

Jo nazar bacha ke guzar gaye, merey saamney sey abhi abhi
Yeh merey hee shehr ke loag thay, merey ghar sey ghar hay mila huwa

HumeiN iss ka koi bhi haq nahiN, ke shareek-e bazm-e kholoos hoN
Na hamare paas naqaab hay, na kuch aasteeN meiN chupa huwa

Merey aik gosha-e fikr meiN, meri zindagi sey azeez tarr
Mera aik aisa bhi doast hay, jo kabhi mila na juda huwa

Mujhey ik gali meiN para huwa, kisi badnaseeb ka khat mila
KaheeN khoon-e dil sey likha huwa, kaheeN ansuooN sey mita huwa

Mujhey humsafar bhi mila koi, tow shikasta haal meri tarha
Kai manziloN ka thaka huwa, kaheeN raaste main luta huwa

HumeiN apne ghar sey chaley huwe, sar-e raah umr guzar gayi
Koi justuju ka sila mila, na safar ka haq hi ada huwa

2

Re: Mujhey Apne Zabt Pe Naaz Tha

Awesome mashallah.

share more.

Is this the same poet,* lab e aaina tera aks hay pass e aaina koi aur hay- *fame?

I interpret it as spiritual ashaar

:k:

3

Re: Mujhey Apne Zabt Pe Naaz Tha

wow bao ji bhi aaye hai poetry forum main, welcome :)

4

Re: Mujhey Apne Zabt Pe Naaz Tha

Mujhey apne zabt pe naaz tha, sar-e-bazm raat yeh kya huwa
Meri aankh kaisey chalak gayi, mujhe ranj hai yeh bura huwa

me to us waqt se derta hun jabvo puche
yey zabt ka aansu tha to tapkaa kesey

5

Re: Mujhey Apne Zabt Pe Naaz Tha

Aijaz-

Poster hain hum iss forum kay, sara GS hamara. :)

6

Re: Mujhey Apne Zabt Pe Naaz Tha

achi copy ki hai :)

7

Re: Mujhey Apne Zabt Pe Naaz Tha

are you talking about “Main Khayaal hooN kisi aur ka” ? - if so, then I think that’s not by Iqbal Azeem.

:k: one of my fav. sheyrs about zabt… just a minor correction:

Main tow uss waqt sey darta hooN ke koi pooch na ley
Yeh agar zabt ka aansoo hai, tow tapka kaise

8

Re: Mujhey Apne Zabt Pe Naaz Tha

My all time favorite. Nayyara Noor sung that beautifully

9

Re: Mujhey Apne Zabt Pe Naaz Tha

Mian khyal hoon kisi aur ka mujhe sochta koi aur hai is by Saleem Kausar

10

Re: Mujhey Apne Zabt Pe Naaz Tha

Bohat Umdah…:k:

11

Re: Mujhey Apne Zabt Pe Naaz Tha

waah LC saaHib, bahot Khoob...lutf aa gayaa paRh kar...maiN yeh Ghazal Naiyara Noor kii aawaaz meN nahiiN sunaa...maiN to paRh kar hii masroor ho gayaa...

...yeh Ghazal bahr-e-sanglaaKh meN hai jo merii pasandeedah hai aur jo gaayekii ke liye bahooot mauzooN hai kiuN k is meN tarannum kooT kooT kar bharaa huaa hai

mere vaalid ne bahot sii GhazleN is bahr meN kahii haiN is liye inkaa asar mujh par bachpane se hai.

thank you for sharing! :)

12

Re: Mujhey Apne Zabt Pe Naaz Tha

^ thanks for the quick lesson KKF… I’ve learned something new :k:

13

Re: Mujhey Apne Zabt Pe Naaz Tha

Very nice. :k:

14

Re: Mujhey Apne Zabt Pe Naaz Tha

Oh my fault, aab burhapa aa gaya hay.

thanks lucid and muqawee