Mujhe tum yaad aate ho
Parinde aashiyano ki taraf…
jab laut jate hain…
ufak(Horizon) ki surkhiyan…
jab mand parti hain…
hawaein shaam ki jab tez hoti hain…
khayalon ke kisi tareek goshe me…
tumhari yaad ki tarah nikalte hain…
aur apni roshni le kar…
meri yadoon ki duniya me…
charag karne lagte hain…
tab aise roshni ka aasra le kar…
mujhe tum yaad aate ho…
aur aise yaad aate ho…
ke jaise ik musafir ko…
kabhi garmi ke mausam me…
kahin sehraye noor ?me…
watan ki sabz zaaro se…
nikalte mitti pani ki…
Wo pehli baarish ki
khushboo yaad aati ho…
mujhe tum yaad aate ho…
aur aise yaad aate ho…
ke jaise aik kaidee ko…
aseer-e-umar ki daulat se…
maal-a-maal ho kar bhi…
fiza me pehle khushboo se…
Bina dekhe hi bahaaron ko
bahaaro ke dino ki yaad aati ho…
mujhe tum yaad aate ho…
aur aise yaad aate ho…
ke jab tum door hote ho…
to sari chand ratoon ko…
nikal kar apne kamre se…
chamakta chaand takti ho…
ke ho sakta hai tu bhi aaj…
apni sari yadoon ko…
samaitay aur main aa kar…
wo batain dil me duhraon…
aur apni neechi nazro ko…
utha kar chaand ko dekhun…
mujhe phir yaad aate ho…
aur aise yaad aate ho…
ke main khud ko bhool jati hun…
Aur khud ko tanha paati hun…
Mujhe tum yaad aate ho