Mujhe qatal kar ke mehndi, mere khoon ki lagaana
Jab uthay mera janaaza, shehnaeyaan bajaanaa
Jo diye hain tu ne dil ko, wohi zakhm ab kahenge
Kabhi bhool kar lehad per, koi shamma na jalaana
Nahe shikwa koi zaalim, meri iltija hai tujh se
Tu kisi ki jhonpari ko, na meri tarah jalaana
Pas-e-marg aayein Ishrat, meri laash per agar woh
Unhein kafan ko hata kar, meri be-basi dikhaana
Mujhe qatal kar ke mehndi, mere khoon ki lagaana …!
Jab uthay mera janaaza, shehnaeyaan bajaanaa …!
