mujhe kya hua hai ye aj kal
kuch ajeeb sa mera hal hai
mujhe zindagi bhi azeez hai
mujhe maot ka bhi khyal hai
tu mila to ban gaya ajnabi
mujhe phir bhi koi gilla nhi
teri berukhi bhi kamal hai
mera hosla bhi kamal hai
tere pas jitne sawal thay
mere pas un ke jawab thay
tu jawab jis ka na de saka
wohi lab pe mere sawal hai
mere dost bat zara si ye
kbhi aj tak na tu samajh saka
jahan hon shakook urooj per
wohin chahton pe zawal hai…