**Mujhe gumnaam rehney ka kuch aisa shooq hai hamdam
kisi benaam shehar ki bhatakti dhoop ho jaisey
jahan saaye tarastey hoon kisi paikar ki ahat ko
jahan zinda na ho koi jahan bas maut rehti ho
ya kuch aisa k daarya k kaheein us paar keekar pe
kisi chiriya k bachey ki tarapti piyaas ho jaisey
k jiski zindagi k din bohat bejaan guzrey hon
jo urnay ko tarasta ho magar hasrat Dam-e-Aakhir
wo apney ghonsley main he kuch aisey jaan de jaisey
hazaroon karvatoon k baad meri umeedain marti hian !!**
