Aik Nazm Jo Shayad Pehle Bhi Post Ho Chuki Hai, Mujhe Buhat Pasand Hai..
Mujhe Bus Itna Kehna Hai,
Kabhi Main Yaad Aaon To
Kabhi Tanhai Ki Raatain,
Tumhain Zyada Satayen To
Kabhi Titli Na Bole To,
Aur Jugnu Laut Jayen To
Kabhi Jab Dil Bhi Bhar Jaye,
Koi Jab Sun Na Paye To
Kabhi Sab Dost Saathi Bhi
Jo Tum Se Rooth Jayen To
Kabhi Jab Khud Se Lar Lar Ker
Thakan Se Choor Ho Jao
Kabhi Chahte Huay Bhi Khud
Akele Roo Na Pao To
Apni Aankhon Ko Band Kerna
Mujhe Awaz De Dena
Phir Mere Tasawwur Se
Jo Chahay Baatain Keh Dena
Mere Kandhe Pe Sir Rakh Ker
Tum Jitna Chahe Ro Lena
Jab Main Bhi Laut Jaon To
Apni Dunya Chale Jana
Magar Bass Itna Kehna Hai
Ke Jab Bhi Dukh Ya Khushion Main
Humain Dil Se Pukaro Ge
Humain Tum Saath Pao Ge
Umeed Hai Aap Logon Ko Bhi Pasand Aye Gi..
Regards,