**Khaak mein mil jaaey na kahin meri hasti ka nishaan
bann ke reh jaaun na kahin ek bhooli bisri dastaan
tum se hai bas yehi iltaja mere mehboob..
Tum mujhe apni mohabbat se kabhi mehroom na karna.
Kho kar dil ki jageer ham, kehte hain ab ye hasrat se
nawaaz de kaash tu bhi mujhe apni wafa ki doulatt se
Bin mausam barsaat ke tapakkte hain aansoo teri yaad mein
posheeda hai ek mouj-e-sumandar meri har fariyaad mein
Furqat ki lambi raatoon mein jab tanhaii mazalim dhaati hai
aise mein teri chahat, mere dil ki mehfil sajati hai
Nigaah-e-shoq kehti hai ham ko tera dedaar ho jaaye
nikle aah jo mere dil se, wo tere jigar ke paar ho jaaye
chute sare rishte mere, chut gaye sab dost
tu hai meri manzil ka nishaan, phair na lena akhiyaan mujh se
tum se hai bas yehi iltaja mere mehboob
mujhe apni mohabbat se kabhi mehroom na karna
kabhi mehroom na karna…**
