imaan neri ai jaan meri
mein kitna tum pe marti hoon
aur kitni muhabbat karti hoon
bas aik shikayat hai tum se
mein jab bhi parhne lagti hoon
tum chupke se ajati ho
or aa k mujhe behkati ho
najane kia samjhati ho
or apne paas bulati ho
mein janti hoon tere aate hi
ik nasha sa chha jata hai
dil bekhud hokar tere hi
pehloo mein aana chahta hai
ye souch zara ai jaan meri
kuch kaam bhi hain iss duniya ke
har waqt ki chahat theek nahi
aaghosh mein tere phir bhi sahi
laikin ye waqt hai parhne ka
ja aaj mujhe too parhne de
ai NEEND ! mujhe kuch karne de
