Mujhay Bhool Jaa…
**MaiN raastoN ka ghubaar hooN **
Yaa HasratoN kaa mazaar hooN
Teray paaoN kii main dhool hooN
Daaman maiN atkaa khaar hooN
Mujhay Bhool jaa Mujhay Bhool jaa
Dil-e-soz kii maiN aah hooN
yaa aik subh-e-siyaah hooN
jo palatt gaii woh nigaah hooN
bhatkii huii ik raah hooN
Mujhay bhool jaa mujhay bhool jaa
Kisii aaNkh say jo gir gayaa
Kisii nazar say jo uter gayaa
kisii dil say jo keh bisar gayaa
Kisi zehn maiN jo bikhar gayaa
MaiN hoN woh lamha-e-baazgasht
jo chhinn gayaa woh qaraar hooN
Mujhay bhool jaa mujhay bhool jaa