main raastoN kii ghubaar hoN
yaa hasratoN kaa mazaar hoN
teray paaoN kii maiN dhool hoN
daaman maiN atkaa khaar hoN
mujhay bhool jaa,mujhay bhool jaa
dil-e-soz kii main aah hoN
yaa aik sub’h-e-syaah hoN
jo palat gaii woh nigaah hoN
bhatkii huii ik raah hoN
mujhay bhool jaa mujhay bhool jaa
kisi aaNkh say jo gir gayaa
kisii nazr say jo bisar gayaa
kisii dil say jo keh uter gayaa
kisi zehn maiN jo bikher gayaa
meiN hoN woh lamha-e-baaz gasht
jo chinn gayaa woh qaraar hon
mujhay bhool jaa! mujhay bhool jaa
