mujhay acha nahi lagta
tumhain yon iss tarah kehna
magar me kia karon jana
k jo jazbon ki shiddat hai
yeh ab jeenay nahi deti
ajab ek ghao hai jissko
yeh ab seenay nahi deti
mujhay darr hai kahin mujh say
baghawat yeh na karjayin
zaban ko rok lon lekin
yeh ankhain haath na ayin
meray honton ki larzish bhi
kia tum ko kuch nahi kehti
nikal jata hai sara waqt
tumhare baat ko suntay
mujhay kuch apni kehnay ki
muhallat tum nahi dete
meri nazmon k angan main bhi
kia tum ko kuch nahi milta
meri sansoon ki hulchul main
wohi ek naam hai palta
meray seenay ki hiddat bhi
yehi ek raaz hai kehti
meri ankhoon ki chilman bhi
wohi ek aks hay sehti
na tum ko bol pata hon
na iss ko bhool pata hon
ajab ek raaz hai jissko
chupyae he main jata hon
gar ab bhi nahi samjhi
iss poray fasanay ko
to phir to maar he dalo
tum apnay deewanay ko
k ab to aur nahi saha jata
mujhay iss dharay pay behna
MUJHAY ACHA NAHI LAGTA
TUMHAIN YON ISS TARAH KEHNA
