Mujh se pehle Tujhe jis shaks ne cha ha us ne
Shayed ab bhi tera gham dil se laga rakha ho
Aik be-naam si umeed pe ab bhi shayed
Apne khabo’n k jazeero’n ko saja rakha ho
Mai ne mana k wo begana-e-pemane wafa
Kho chuka hai jo kisi aur ki ranaee mai
Shayed ab lot k aaye na teri mehfil mai
aur koi dukh na rula a tujhe tanhai mai
Mai ne mana k shabo roz k hangamo’n mai
Waqt her gham ko bhula deta hai rafta rafta
chahe umeed ki shamai’n houn ya yaado’n k chiraag
Mustiqal buaad bhuja deta hai rafta rafta
Phir bhi maazi ka khayal aata hai gahe gahe
Mudatai’n dard ki lo kam to nahi kar saktein
Zakhm bhar jayen magar daag tou reh jaate hain
Duureon se kabhi yaade’n to nahi mar saktein
““Ye bhi mumkin hai k ik din wo pashema’n ho ker
Tere paas aaye aur zamane se kinara ker le
Tu k maasum bhi hai, zod-e-faramosh bhi hai
us ki pema shikni ko bhi gawara ker le””
Aur mai jis ne tujhe apna maseeha samjha
Aik zakhm aur bhi pehle ki tarah seh jaon
Kis pe pehle he kaee ehd-e-wafa toote hain
Issi dorahe pe chup chap khara reh jaon