**Muhabbat aysa naghma hai
Zara bhi jhol ho lay main
to sur qaim nahi rehta..
Muhabbat aysa shola hai
Hawa jesi bhi chati ho
Kabhi madham nahi hota..
Muhabbat aysa rishta hai
Ke jis main bhandhnay walon ke
Dil-on main gham nahi hota..
Muhabbat aysa poda hai
Jo tab bhi sabz rehta hai
Ke jab mosam nahi hota..
Muhabbat aysa darya hai
Ke barish rooth bhi jay
To pani kam nahi hota.
**
PAAS REH KAR JUDAI KI TUJH SE..
*PAAS REH KAR JUDAI KI TUJH SE
DOOR HO KAR TUJHAY TALASH KIYA
.
.
.
.
.
.
.
.
.
.
.
.
.
MAIN NE TERA NISHAAN GUM KAR KE
APNAY ANDAR TUJHAY TALASH KIYA..
*
GHAZAL (ab ke rutt badli to khusboo ka safar.. )
**Ab ke rutt badli to khusboo ka safar dekhay ga kon
Zakham phoolon ki tarha mehkain gay par dekhay ga kon
Dekhna sab raqs-s-bismil main magan ho jain gay
Jis taraf se teer aye ga udhar dekhay ga kon
Zakham jitnay bhi thay sab mansoob qatil se howe
Tere hathon ke nishan ay chara gar dekhay ga kon
Wo hawas ho ya wafa ho baat mehroomi ki hai
Log to phal phool dekhain gay sajar dekhay ga kon
Ham charagh-e-subha hi thehray to phit kya sochna
Raat thi kis ka muqadar or sehar dekhay ga kon
A faseel-e-shehar se dekhain ghaneem-e-shehar ko
Shehar jalta ho to tujh ko baam par dekhay ga kon
Har koi apni hawa main mast phirta hai Faraz
shehar-e-na pursan main teri chasham-e-tar dekhay ga kon
**
FARO-GUZAASHT
**Dard ruswa na tha zamanay main
Dil ki tanhaion main basta tha
Harf-e-na gufta tha fasana-e-dil
Aik din jo unhain khayal aya
Pooch bethay "udas kiu ho tum"
Bas youn hi, muskura ke main ne kaha
Dekhtay dekhtay sar-e-mizgaan
Aik anso magar dhalak aya
Ishq no-ras tha..kham kaar tha dil!
Bat kuch bhi na thi magar hamdam
Ab muhabbat ka wo nahi alam
Ap hi ap sochta hoon main
Dil ko ilzam de raha hoon main
Dard be waqt ho gaya ruswa
Aik anso tha pi liya hota
Husan mohtaat ho gaya uss din
Ishq toqeer kho gaya uss din
HAY KIU ITNA BE QARAR THA DIL.
**
Re: MUHABBAT..
Nice sharings gumrah :k:
Re: MUHABBAT..
thx