Aik Nazm,
Main Jism-o-Jaan Ke Tamaam Rishton Se Chahta Hoon
Nahi Samajhta Ke Aisa Kion Hai
Na Khaal-o-Khadd Ka Jamaal Uss Main
Na Zindagi Ka Kamaal Koi
Jo Koi Uss Main Hunar Bhi Hoga
Tou Mujh Ko Uss Ki Khabar Nahi Hai
Na Janay Phir Kion!!
Main Waqt Ke Dai-ron Se Bahar, Kisi Tasawwur Main Urr Raha Hoon
Khayal Main, Khuab-o-Khalwat-e-Zaat-o-Jalwat-e-Bazm Main,
Shab-o-Roz
Mera Lahuu Apni Gardishon Main Usi Ki Tasbeeh Parh Raha Hai
Jo Meri Chahat Se Be-Khabar Hai
Kabhi Kabhi Wo Nazar Chura Ker,
Qareeb Se Meray Yuun Bhi Guzra
Ke Jese Wo Ba-Khabar Hai
Meri Muhabatton Se
Dil-o-Nazar Ki Hikayatain Sunn Rakhi Hain Uss Ne
Meri He Surat
Wo Waqt Ke Dai-ron Se Bahar Kisi Tasawwur Main Urr Raha Hai
Khayal Main, Khuab-o-Khalwat-e-Zaat-o-Jalwat-e-Bazm Main,
Shab-o-Roz
Wo Jism-o-Jaan Ke Tamaam Rishton Se Chahta Hai
Magar Nahi Jaanta Ye Wo Bhi
Ke Aisa Kion Hai
Main Sochta Hoon, Wo Sochta Hai
Kabhi Milay Hum Tou Ayenon Ke Tamaam Baatin Ayaan Karain Ge
Haqeeqaton Ka Safar Karain Ge
(Obaid Ullah Aleem)
Umeed Hai Pasand Aye Gi..
Regards,
