****
**
For view in JPEG click on above image.
**
MUHABBAT
Mehfil jami hui thi, tamam dost khazraat jama they, baish qeemat kaleen per mugliyah tarz ka dastarkhawaan laga hua tha aur NAO NOSH ka dor chal raha tha, kuch dost khazraat murg-e-mussalm uraney main masroof thay aur kuch kaleen per waisey hi takiya rakhey taik lagaye bhaithey tha. Khaney ke saath aik mozoo bhi chal raha tha, mozoo tha MUHABBAT. Sab dost khazrat is per apni apni raye deney main masroof thay.
Aik sahib biyaan farmatey hain, muhabbat daar ke dard ki tarhan hai ke jab hai to kisi aur taraf dhiyaan hi nahin jata aur jab yeh khatam ho jata hai to yeh khayaal tak nahin aata keh yeh kabhi tha bhi keh nahin. Ain usi lamhey aik doosrey sahib biyaan farmatey hain keh nahin janab Muhabbat daar ke dard ki tarhan nahin Sir ke dard ki tarhan hai keh jab hai to kisi aur tarf dhiyaan hi nahin jata, phir yeh dard aahista aahista itna bharta hai ke ke hamarey khawaas per chhaa jata hai aur hamein kisi kaam ke kabil nahin chhorta aur phir woh waqt aata hai ke hamein kisi aur cheez ka hosh hi nahin rehta aur hum her waqt iisi ke barey main sochtey rehtey hain phir aahista aahista ye kam hona shuroo hota hai aur batadreej kam hota hota khatam ho jata hai lakin apna asar bohat dair tak ke liye chhor jata hai.
Aseer
** **
For view in JPEG click on above image.