Hi guys…long time no see … this is my last post… thanks for all your comments… Thanks NA Khan,thanks man PK,thanks Attia,Fazelat,Fara and everybody else… Thanks GS…All of you have a good time in life…
**Mohabbat ke tabiyat mein **
ye kaisaa bachapanaa qudarat ne rakkhaa hai
ke jitani puraani, jitani bhe mazabuut ho jaaye
ise taaiid e taazaa ke zaruurat phir bhii rahatii hai
yaqin ke aaKhiri hud tak dilon men lah lahaati ho
nigaahon se tapakati ho lahuu men jagmagaati ho
hazaaron tarah se dilkash hasin haale banaati ho
isay izhaar ke lafzon ke haajat phir bhi rahatii hai
mohabbat mangati hai yun gavaahi apane hone kii
ke jaise tifl e saada shaam ko ik biij boye
aur shab men uthe
**zamin ko khod kar dekhe **
ke paudhaa ab kahan tak hai
mohabbat ke tabiyat men ajab takaraar ke Khuu hai
ke ye iqraar ke lafzon ko sunane se nahin thakati
bichharne ke ghari ho yaa koi milane kii sa’at ho
**ise bas ek hi dhun hai **
kaho mujh se mohabbat hai
kaho mujh se mohabbat hai
kuchh aisii besakuni hai vafaa ki sarzaminon men
ke jo ahal e mohabbat ko sadaa bechain rakhati hai
ke jaise phuul men Khsuhbuu ke jaise haath men tara
ke jaise shaam kaa tara
mohabbat karane vaalon ke sahar raaton men rahati hai
guman ke shaaKhchon men aashiyaan banata hai ulfat kaa
ye ain visaal men bhii hijr ke Khadshon men rahatii hai
mohabbat ke musaafir zindagii jab kaat chukate hain
thakan ke kirchiyaan chunate vafaa kii ajaraken pahane
samay ke rah guzar ke aaKhiri sarhad pe rukate hain
to koi Duubati saanson ki dorii thaam ker
dhire se kahataa hai
ke ye sach hai naa
hamaarii zindagi ik duusare ke naam likhi thee
dhundhalaka saa jo aankhon ke qariib o duur phailaa hai
isi kaa naam chaahat hai
tumhen mujh se mohabbat thi
tumhen mujh se mohabbat hai
mohabbat kii tabiyat men
ye kaisaa bachapana qudarat ne rakkhaa hai