~ Muhabbat ~

Arts & Culture Poetry ( Intikhaab & Sho'ra-e-Gupshup)
1
**Muhabbat ous ki surat** Pyaasi pankhari ke hont ko sairaab karti hai Guloon ki aastenoo mein anokhay rang bharti hai Sehar ke chat-pattay mein, gungunaati, muskurati, jagmagati hai Muhabbat ke dinoo mein dasht bhi mehsoos hota hai Kisi firdous ki surat Muhabbat ous ki surat...

Muhabbat abbar ki surat
Diloon ki sar zameen pe ghir ke aati hai aur barasti hai
Chaman ka zarra zarra chomta hai, muskurata hai
Azal ki benamoo mitti mein sabza sar uthaata hai
Muhabbt un ko bhi abaad aur shadaab karti hai
Jo dil hai kabir ki surat
Muhabbat abbar ki surat…

Muhabbat aag ki surat
Bhuje seenoo mein jalti hai tu dil bedaar hota hai
Muhabbat ki tapish mein kuch ajab israar hota hai
Ke jitna yeh barhaqti hai, aroos-e-jaan mehakti hai
Diloon ke sahiloon per jama hoti aur bikharti hai
Muhabbat jhaag ki surat
Muhabbat aag ki surat…

Muhabbat khwaab ki surat
Nigahoon mein utarti hai kisi mehtaab ki surat
Sitaray aarzoo ke is tarah se jagmagaatay hain
Ke pehchaani nahee jaati dil-e-betaabi ki surat
Muhabbat ke shajar per khwaab ke panchi utarte hain
Tu shaakhain jaag uth’tee hain
Thakay haaray sitaaray jab zameen se baat karte hain
Tu kab ki muntazir aankhoon mein
Muhabbat in mein jalti hai chiraag-e-aab ki surat
Muhabbat khwaab ki surat…

Muhabbat dard ki surat
Guzishta mausamoo ka isteyaara ban kar rehti hai
Shaban-e-hijr mein raushan sitaara ban ke rehti hai
Munderoon pe chiragoon ki lauh jab thar’tharaati hai
Nagar mein na umeedi ki hawayain son’sanaati hain
Gali mein jab koi aahat, koi saaya nahee rehta
Dukhi dil ke leye jab koi bhi dukh nahee rehta
Ghamoon ke boojh se jab tootne lagte hain shane tau
Yeh un pe haath rakhti hai
Kisi hamdard ki surat
Guzar jate hain saaray qaafilay jab dil ki basti se
Fiza mein tairti rehti hai dair tak
Yeh gard ki surat
Muhabbat dard ki surat…

2

:flower1: Nice…

3

**Mohabbat >>>>>> aik musibaat

mohabbat ........>> dard ki soorat jaan ka rogh allah bachaye !!lolzz

bahut khoob AB ! thanks 4 sharing colourful mohabbat aap ki Rang birangi mohabbat ki sooratien kia kehna! mashallah!!**

4

nice:k:

5

:k:

6

beautifull........

waisey Muhabbat di itni defination kar rahey ho janab tey udhar kehndey ney Ishq di gali wichoon nahi langey :D

7

Lovely work Amarbail:k:…aap ka color work deikh ke lagta hey ke shaaed painting sey bhi aap ko kuch lagaao hey. Thanx for all the efforts:)

8

its realy nice poem,
btw did anyone ever get a chance to read "Muhabat poem" of Amjad Islam Amjad?

9

mae kub sey is poem ki talaash main thee.. lakin thanx 2 Allah, mil hi gaye :slight_smile:

Thanx 4 sharing :k::k:

10

Beautiful :-)

11

Thanks all ...

12

:frowning: hai Ri Muhabbat

:k:

13

one of my fav :k: but i dont think its complete:konfused:

14

good

15

Thanks ...