Mere israar per aakhir
bohat majboor ho kar aaj
mujhe apni nigahoN ki
udaasi saonp di us ne
bohat be-bas, bohat tanha
bohat bikhri muhabbat ka
zara sa dard jo maanga
haqeeqat khol di us ne
khalish jo us ke dil mein thee
wo ab meri amaanat hai
shikasta lehjay ki jitni thakkan thee
bol di us ne
meri khatir mujhe apni
muhabbat keh nahe paaya
magar aaj apne aanso’oun se
muhabbat taul di us ne …!