Katthin andheeron ke rah-guzar pe
Chiraag-e-subh jala jala ke
Qasam se aankhain bhi thak gae hain
Tumhare aansoo chupa chupa ke
Yeh kya khabar thee ek chehre se
Kitne chehray kasheeda hogaye
Mein thak gaya hoon tumahre chehre ko
Aaenay mein saja saja kar
Hum itne saada mizaaj kab thay
Magar saraaboon ki rah-guzar pe
Faraib deta raha zamaana
Tumhari soorat dikha dikha ke
Ajjab tanasub se zehn-o-dil mein
Tumhare khayalaat taqseem horahe hain
Magar muhabbat si hogae hai
Tumhein muhabbat sikha sikha ke …*