Muhabbat saat sur main behti wadiyon ka naghma hai,
isi k dhanak rangon se to dil abad hote hain
wafaen payas banti hain
zakhm betaab hote hain
ye chupke se kisi dil main
diye se roshan karti hai
k jese tez suraj ki shuaaen safar karti hain !
Muhabbat bekaran jazbon main beh jane ka lamha hai,
kisi meethi si saat main
ye boondon si barasti hai
kahin seraab karti hai
kabhi betaab karti hai
ye behti hi chali jati hai
boondon ki guzarish main
k jese bheegte parbat hain barish k tasalsul main !
Muhabbat har kali ki band khushbu se nikalti hai,
ye har mosam k sang chalti
hawaon main machalti hai
ye har dil k nehan khano main
shamma ban k jalti hai
Muhabbat har zamane ki rag-e-jan main bhi basti hai
Ye behti wadiyon k saat rangon main damakti hai !
plz tell me kese hai ye poem,bcozits my own creation!
