**Uss simt ko chalte ho tu itna ussay kehna **
ab koii nahii harf-e-tamanna ussay kehna
**tum ne hii kaha tha to yaqeen mujh ko hua tha **
mohabbat nahii hotii kabhii ruswa ussay kehna
duniya to kisii haal mein jeenay nahii detii
umeed pe qayem hai yeh duniya ussay kehna
**zarkhaiz zameene’n kabhii banjar nahii hotii’n **
**dareya hii badal lete hain rasta ussay kehna **
**kuch log safar k liiye mozuu nahii hotay **
kuch raastay kut’tay nahii tanha ussay kehna
