Muhabbat Mojza Kar De
Mere Sehn-e-Hunar Main
Rooshni Kerte Khayaloon Ki Talawat Se
Mere Shair o Sukhan Main
Harf o Maani Ki Hakayat Se
Usay Bhi Aashna Ker De
Muhabbat Mojza Kar De..
Faseel-e-Dil Pe Likhi Dard Ki Pinhaan Ibaarat Se
Muhabbat Ko Badan Ki Aakhri Saanson Ki Had tak
Nibha Dene Ki Aadat se
Usay Bhi Aashna Ker de
Muhabbat Mojza Ker De
Sar-e-Mizgaan Chamaktay Aansoon Kii Jugmagaahat Se
Pas-e-Garya Meri Jalti Howi Aankhon Ki Hidat Se
Sawaal-e-Wasl Se Mehroom Hontoon Per
Dua-e-Shab Ki Hurmat Se
Usay Bhi Aashna Ker De
Muhabbat Mojza Ker De
Aazab-e-Tashnagi Sehti Howi Saanson Ki Wehshat Se
Mere Jazboon Ki Shiddat Se
Mere Harf-e-Muhabbat Se
Meri Tanha Musafat Se
Usay Bhi Aashna Ker De
Muhabbat Mojzaa Kar De…!
hil pe