Muhabbat ki tabeyyat mein yeh kaisa bachpana qudrat ne rakha hai

Arts & Culture Poetry ( Intikhaab & Sho'ra-e-Gupshup)
1
**Haseen lamhay, Shareer lamhay, Sharmeelay lamhay, Jhijhaktay lamhay, Phiglatay lamhay, Dharaktay lamhay, Muhabbat mein guzre yeh tamaam lamhay... dil ki pagdandeyoon per apne pairoon ke nishaan chor gaye hain... Mausam badalte hain.. hawayain chalti hain lekin yeh nishaan na mit'tay hain na halkay hotay hain...**

Muhabbat ki tabeyyat mein
Yeh kaisa bachpana qudrat ne rakha hai
Ke jitni puraani jitni bhi mazboot ho jaye
Issay taeed-e-taaza ki zaroorat phir bhi rehti hai
Yaqeen ki aakhri had tak diloon mein lehlahaati ho
Nigahoon ki aakhri had tak diloon mein jagmagaati ho
Hazaaron tarah se dilkash haseen haale banaati ho
Issay izhaar ke lafzoon ki haajat phir bhi rehti hai

Muhabbat maangti hai yun gawaahi apne hone ki
Ke jaise tifl-e-saada shaam ko ek beej boye
Aur shab mein baar-ha uthay
Zameen ko khod kar dekhay
Ke pouda ab kahaan tak hai

Muhabbat ki tabeyat mein ajab takraar ki khuu hai
Ke yeh iqraar ke lafzoon ko sun’ne se nahee thakti
Bicharne ki ghari ho ya koi milne ki saa’at ho
Issay bas ek hi dhun hai
Kaho mujh se mohabbat hai
Kaho mujh se mohabbat hai

Kuch aisi be-sakooni hai wafa ki sar-zameenoon mein
Ke jo ehal-e-muhabbat ko sadaa bechain rakhti hai
Ke jaise phool mein khushboo ke jaise haath mein taara
Ke jaise shaam ka taaraa
Muhabbat karne waloon ki sehar raatoon mein rehti hai
Gumaan ki shaakhoon mein aasheyaan banta hai ulfat ka
Ya ain wasal mein bhi hijar ke khadshoon mein rehti hai

Muhabbat ke musaafir zindagi jab kaat chukte hain
Thakan ki kircheyaan chunte wafa ki ajrakain pehnay
Samay ki raahguzar ki aakhri sarhad pe ruktay hain
Tu koi doobti saansoon ki dori thaam kar
Dheeray se kehta hai
Ke yeh sach hai naa
Hamaari zindagi ek doosre ke naam likhi hai
Dhundhalka sa jo aankhoon ke qareeb-o-door phaila hai
Issi ka naam chaahat hai
Tumhe mujh se muhabbat hai
Tumhe mujh se muhabbat hai

2

one of my favourite... thanks for sharing.

3

one of my all time fav. plz plz correct the second last line.

it is

"Tumhe mujh se muhabbat thii"

not

"Tumhe mujh se muhabbat hai"

and thank you so much for sharing such a great poem.

4

Beautiful :k:

5

beautiful.

thanks for sharing Amarbail

6

:k:

7

humm

8

Re: Muhabbat ki tabeyyat mein yeh kaisa bachpana qudrat ne rakha hai

[QUOTE]
*Originally posted by Amarbail: *

Muhabbat ki tabeyyat mein
Yeh kaisa bachpana qudrat ne rakha hai

[/QUOTE]

I have the privilege of listening to this nazm narrated by Amjad Islam Amjad himself
in a mushaera. It was all the more beautiful then. Thanx Amarbail for
sharing this masterpiece with us.

9

Buhat achii nazm hay, maiN nay half parhii huwii thii, aap ki badolat poorii parhnay ko mili so thanks for sharing :-)

10

one of my fav.thanx 4 sharing

11

bohut nice amarbail ,ty for sharing :flower1:

12

baziger, chodhry, *** Vivacious ***, Pramod, Chiraag Azad, Amal, GuL-e-Tasbeeh, maheen, MQ.. Aap sab dostoo ki hausla afzaee aur pazeraaee ka dil ki ghehraeyoon se bahut bahut shukriya...

13

Re: Muhabbat ki tabeyyat mein yeh kaisa bachpana qudrat ne rakha hai

khooob :k: thanx for sharing meri pehle fav nahi thi lekin ab ho gaye hai :slight_smile: