Chalo choro
muhabbat jhoot hai
ehd-e-wafa ik shughl hai baikaar logon ka
“Talab” sookay huay patton ka bai-ronaq jazeera hai
“Khalish” deemuk-zada awraaq pur boseeda satron ka zakheera hai
“Khumaar-e-wusl” taptee dhoop ke seenay pe urhtay baadlon ki raayegaaN bakhshish
“Ghubaar-e-hijr” sehra mai saraboN say atay mosam ka khamyaaza
chalo choro
ke abthuk mai andhairoN ki dhamak mai saans ki zarbon pe
chahut ki bina ruk kar safar karta rahoonga
mujay ihsaas hi kub tha
ke thum bhi mosmon ke saath apne pairahun ke rang badlogi
chalo choro
wo saaray khwaab kachi bhur’buree mitti ke baiqeemat gharonday thay
wo saaray zaayiqay meree zubaaN pur zukhm bun kar jam gaye hongay
thumhaari unglion ki nurm poorain pathron pe naam likti theen mera laikin
thumhari unglian to aadutun ye jurm kartee theen
chalo choro
mera hona nu hona ik barabar hai
thum apne khaal-o-khud ko aayeenay mai phir nikharne do
thum apni aankh ki basti mai phir say ik nya mosam uturne do
“meray khwaabon ko marne do”
nyee tasweer daikho
phir nya maktoob likho
phir nye mosam nye lafzon say apna silsila jorho
meray maazee ki chahat rayigan samjho
meree yaadon say kachay raabtay toRo
chalo choro
muhabbat jhoot hai
ehd-e-wafa aik shughl hai baikaar logon ka
bole to