Muhabbat ham-safar meri

Nazam · April 17, 2003, 2:14pm

Nazam ki aik apni Nazam

Kathhin hai zindagee kitni
Safar dushwaar kitna hai
Kabhi paaou’n nahi’n chaltey
Kabhi rastaa nahi’n miltaa
Hamaara saath dey paaey
Koi aisaa nahi’n miltaa
Faqat aisey guzaaroo’n tou
Yeh rouz-o-shab nahi’n kat’tey
Yeh kat’tey thay kabhi pehlay
Magar haa’n ab nahi’n kat’tey
Mujhey phir bhi meray Maalik
Koi shikwaa nahi’n tujh sey
Mei’n her dukh jhail sakti hoo’n
Mei’n jaa’n per khail sakti hoo’n
Agar tuu aaj hi ker dey
Muhabbat ham-safar meri

Lamhay · April 17, 2003, 2:41pm

bahut khoob!

Dilsay · April 17, 2003, 6:03pm

Masha Allah..... this is simply great

Keep it up beautifully written.... thanks for sharing

_kashish · April 17, 2003, 7:12pm

Excellent.Are you sure is it your very own?

system · April 17, 2003, 7:51pm

Xcellent :k::k:

listener-leo · April 17, 2003, 9:32pm

aray wah , dil moh lia,
wasay nazam mohabbat ka safar aik bazat-e-khud kathan marhala hay... well keep it up hamsafar bhi mil hi jiay ga :D kia pata..