Aik aur khoobsurat nazam, umeed hai aap logon ko pasan aayi gi
PS. na bhi aaye to koi baat nahin
muhabbat deal se mawara rishta sahi phir bhi
chalo ik deal karte hain
ye sara asman le lo, mujhay bus wo sitara do
tumharay naam se jo asman pe jhilmilata hai
mujhay un guftago karti hui ankhon se kaya laina?
mujhay wo un kahi de do
jisay sunnay ki hasrat main hawa tham tham ke chalti hai
tumharay raishmi malboos main parti hui silwat
tumharay qurb ki dheemi sulagti aanch si garmi
tumharay paon ki ahat, jo tapti dopehar ko shaam main tabdeel karti hai
tumharay pass se uthti hui khushboo
mujhay un sab se kaya lena? tum apnay pass hi rakho
magar in sab ke badlay main
mujhay is be yaqeeni se rahai do to acha hai
hawa ke daush per rakhay diye jaisay, meray bujhtay huway dil ko
mujhay yun nauk-e-khanjar per kahan tak raqs karna hai
koi may’yaad hi de do
mujhay tum se koi shikwa nahin ho ga
bhalay tum do jahan le lo
mujhay is be yaqeeni se rahai do to acha hai
muhabbat deal se mawara rishata sahi phir bhi
chalo ye deal kartay hain . .. .
ahan…
pehlay parhee hai…magar dobara parh kar khushi hoee:)
waisay agar koi deal karnay pay aamaada na ho tou phir kya karna chahiay Ali bhai:konfused:
i will ask the poet if i found him /her 
