Logo Muhabbat Ek Shajjar Hei Na…
Tummein Kesay Batayein Hum
Muhabbat Aur Kahani Mei Koi Rishta Nahi
Kahani Mein Tau Hum Wapis Bi Aatay HeiN
Muhabbat MeiN Palatnay Ka Koi Raasta NahiN Hota
Kahani Aur Muhabbat MeiN Azul Se Jang Jaari Hei
Muhabbat MeiN Ek Moor Aisa Aata Hei
JahaN Aa Ker Kahani Haar Jaati Hei
Kahani MeiN Tau Kuch Kirdaar Hum Khud Farz Kertay HeiN
Muhabbat MeiN Koi Bi Kirdaar Farzi NahiN Hota
Kahani Ko Kai Kirdaar Mill JUll Ker Aagay chalaatay HeiN
Muhabbat Apnay KirdaarooN kO Khud Aagay Barhati Hei
Kahani MeiN Kai Kirdaar Zinda Hi Nai Rehtay
Muhabbat Apnay KirdaarooN kO marnay Hi Nahi Deti
Kahani Ke Safar MeiN ManzirooN KI dhool Urrti Hei
Muhabbat Ki Mussafit Rah-geerooN Ko Bikharnay Hi Nahin deti
Muhabbat Ek Shajjar Hei
Aur Shajjar Ko Es Se Kia Matlab
Ke Uss ke Saaye MeiN Ju Bi Thakka Haara Mussafir Aa Ker Baitha Hei
Uss Ki Nasal Kia Hei Rang Kesa Hei
Kahan Se Aya Hei
Kis Simmut Jana Hei
Shajjar Ka Kaam Tu Bus ChaooN Dena Dhoop Sehna Hei
Ussay Es Se Gharz Kia Hei
Parao Dalnay WalooN MeiN Se Kis Nay
ChhaooN Ki Taqseem Ka Jhagra Uthaya Hei
KahaN Kis Ahd KO Toora KahaN Waada Nibhaya Hei
Muggar Hum Jaantay HeiN
ChhaooN Jab Taqseem Ho Jaaye
Tau Aksar Dhoop Ke Neezay
Rug-O Pae MeiN Utar-Tay HeiN
Aur Uss Ke Zakhum-Khoorda Loog
Jeetay HeiN Na Murtay HeiN…