muhabat aus ki soorat
peyaasi pankhari k hont ko seraab kerti hia
gulon ki aasteenon mein anookhay rang bharti hia
seher k jhutpatay mein gungunaati muskurati jagmagati hai
muhabat k dinon mein dasht bi mehsoos hoti hai
kisi firdos ki soorat
muhabat,aus ki soorat
muhabat abar ki soorat
dilon ki sar-zemeen pe ghirr k aati hai aur barasti hai
chaman ka zarra zarra jhoomta hai muskuraata hai
azal ki be-namoo mitti mein sabza sar uthaata hai
muhabat un ko bhi aabad aur shaadaab kerti hia
jo dil mein kabar ki soorat
muhabat,abar ki soorat
muhabat aag ki soorat
bujhay seenon mein jalti hai to dil bedaar hote hein
muhabat ki tapish mein kuch ajab asraar hote hein
keh jitna ye bharakti hai,aroos-e-jaan mehekti hai
dilon k sahilon per jama hoti hai aur bikharti hai
muhbat jhaag ki soorat
muhabat,aag ki soorat
muhabat khaab ki soorat
nigahon mein uterti hai kisi mehtaab ki soorat
sitare aarzoo k is tara se jagmagatay hein
keh pehchaani nahe jaati dil-e-betaab ki soorat
muhabat k shajar per khaab k panchi uterte hein
to shaakhein jaag uthtti hein
thakay haaray sitaaray jub zameen se baat kerte hein
to kub ki muntazar aankhon mein
shumein jaag uthtti hein
muhabat un mein jalti hai
charagh-e-aab ki soorat
muhabat,khaab ki soorat
muhabat durd ki soorat
guzashta mausamon ka isteaara bun k rehti hai
shaban-e-hijr mein roshan sitara bun k rehti hai
munderon per chiraaghon ki lauein jub thartharaati hien
nagar mein na-umeedi ki hawaien sansanaati hien
gali mein jub koi aahat koi saaya nahe rehta
dukhay dil k liye jub koi bhi dhoka nahe rehta
ghamon k bojh se jub tootne lagte hein shaanay toh
yeh un pe haath rukhti hai
kisi hamdard ki soorat
guzar jatay hein sare kaafilay jub dil ki basti se
fiza mein tairti hai deir tuk
yeh gard ki soorat
muhabat,durd ki soorat!
amjad islam amjad
kaheen micro$oft main to kaam nahi kartay rahay 
like they have millions of abbreviations