**Mout Ki Aaghosh Main Jab Thak K So Jaati Hai Maa’n
Tab Kahe’n Ja Kar Raza Tho’Da Sakun Paati Hai Maa’n
Fikar Main Bacho’n Ki Kuch Iss Tarha’n Ghhul Jati Hai Maa’n
Nojawa’n Hotey HuAey Bu’Dii Nazar Aatii Hai Maa’n
Ruh K Rishto’n Ki Yeh Gahraeyan To Dekhe’ya
Chot Lagtii Hai Hamarey Or Chillati Hai Maa’n
Haddyou’n Ka Rass Pilla Kar Apney Dill K Chain Ko
Kitnee He Rato’n Main Pay’t So Jati Hai Maa’n
Jaanay Kitnii Barf Sii Rato’n Main Aeysa Bhee Hua
Bacha To Chaatii Pay Hai Gelay Main So Jaatii Hai Maa’n
Jab Khilonay Ko Machalta Hai Koie Ghurbat Ka Phool
Aansu’On K Saaz Par Bachay Ko Behlati Hai Maa’n
Fikar K Shamshan Main Aakhir Chita’on Ki Terha’n
Jesay Sukhie Lak’Dia’n Iss Tarha’n Jal Jaatii Hai Maa’n
Apney Aanchal Say Gulabii Aansu’On Ko Ponch Kar
Dair Tak Ghurbat Pay Apneii Ashk Barsaatii Hai Maa’n
Saamney Bacho’n K Khush Rahtii Hai Har Ik Haal Main
Raat Ko Chhup Chhup K Lakin Ashk Barsaatii Hai Maa’n
Kab Zaroorat Ho Merii Bachey Ko, Itna Soch Kar
Jagtii Rehtii Hain Aankhain Or So Jaatii Hai Maa’n
Pehlay Bacho’n Ko Khilatii Hai Sakoon-o-chain Say
Baad Main Jo Kuch Bacha Vo ShoQ Say Khatii Hai Maa’n
Mangtii He Kuch Nahi Apney Liye Allah Say
Apney Bacho’n K Liye Daaman Ko Pheylatii Hai Maa’n
Day K Ik Bemaar Bachay Ko Du’aain Or Dawaa
Paa’entii He Rakh K Sar Qadmo’n Pay So Jatii Hai Maa’n
Gar Jawa’n Beatii Ho Ghar Ghar Main Or Koi Rishta Na Ho
Ik Naeye Ahsass Ki Sulli Pay Chhar Jaatii Hai Maa’n
Har Aabadat Har Muhabat Main Neha’n Hai Ik Gharaz
Bay Gharaz Bay Loss Har Khidmat Ko Kar Jaatii Hai Maa’n
Zindagi Bhar Beentii Hai Khaar Raa.haey Zeest Say
Jatay Jatay Naymat-e-firdous Day Jaatii Hai Maa’n
Bazuo’n Main Khainch K Aajaye Ghii Jesay Kainaat
Aisay Bachay K Liye Baho’n Ko Phelatii Hai Maa’n
Zindaganii K Safar Main Gardisho’n Ki Dhoop Main
Jab Koi Saaya Nahi Milta To Yaad Aatii Hai Maa’n
Peyar Kehtay Hain Kisay Or Mamta Kia Cheez Hai
Koi Un Bachon Say Puchay Jin Ki Marr Jaatii Hai Maa’n
Safa-e-hastii Pay Likhtii Hai Asool-e-zindagii
Iss Liye Ik Maktab-e-islam Kehlatii Hai Maa’n
Iss Nay Duneya Ko De.ye Maasoom Rahbar Iss Liye
Aazmato’n Main Saani-e-Qura’n Kehlatii Hai Maa’n
Ghar Say Jab Perdais Jaata Hai Koi Noor-e-nazar
Haath Main Quran Lay Kar Dar Pay Aajatii Hai Maa’n
Day K Bachay Ko Zamanat Main Raza-e-pak Ki
Pechay Pechay Sar Ko Jhukaye Door Tak Jaatii Hai Maa’n
Kanptii Aawaaz Say Kehtii Hai “Beatta Allvidah”
Samnay Jab Tak Rahey Hato’n Ko Leyhtatii Hai Maa’n
Jab Perayshnii Main Gher Jaatay Hain Hum Perdaiss Main
Aansuo’n Ko Ponchnay Khabo’n Main Aajatii Hai Maa’n
Aeysa Lagta Hai Keh Jesay Aagaye Firdous Main
Bheench Kar Baho’n Main Jab Seenay Say Lipttatii Hai Maa’n
Dair Ho Jaatii Hai Ghar Aanay Main Aksar Jab Hamain
Rait Per Machlee Ho Jesay Aesay Ghabratii Hai Maa’n
Martay Dam Bacha Na Aa.paye Agar Perdaiss Say
Apnii Dono’n Putleya’n Chokhat Per Rakh Jaatii Hai Maa’n
Baad Mar Jaaney K Phir Bettay Ki Khidmat K Liye
Bhess Bettii Ka Badal Kar Ghar Main Aajatii Hai Maa’n
Ham Ball’on Main Kahee’n Ghirtay Hain To Bay Ikhtiyar
Khair Ho Bachay Ki , Keh Kar Dar Pey Aajatii Hai Maa’n
Chahay Hum Khushe’on Main Maa’n Ko Bhool Jaa’ain Dosto!
Jab Musibat Sar Pay Aatii Hai To Yad Aatii Hai Maa’n
Door Ho Jaatii Hai Sarii Umer Ki Iss Dam Thakan
Biyea’h Kar Battay Ko Jab Ghar Main Bahoo Latii Maa’n
Chh’een Laytii Hai Vohee Aksar Sakoon-e-zindagi
Peyar Say Dulhan Bana Kar Jiss Ko Latii Hai Maa’n
Phaer Laytay Hain Nazar Jiss Waqat Battay Or Bahoo
Ajnabii Apnay He Ghar Main Haa’ye Ban Jaatii Hai Maa’n
Hum Nay Ye Bhee To Nahi Socha Alag Honay K Baad
Jab Dea He Kuch Nahii Hum Nay, To Kia Khatii Hai Maa’n
Zabt To Dekh Keh Itnii Bay-rukhii K Baa’vajood
Badduaa Daytii Hay Hargiz Or Na Pachhtatii Hai Maa’n
Allah Allah Bhool Kar Har Ik Sitam Ko Raat Din
Potii Potay Say Shikastaa Dill Ko Behlatii Hai Maa’n
Baytta Kitna He Burra Ho, Par Pa’dosan K Hazoor
Rook Kar Jazbaat Ko Bayttay K Gun Gatii Hai Maa’n
Shadia’n Kar K Bachay Ja Basay Perdaiss Main
Dill Khato’n Say Or Tasveeron Say Behlatii Hai Maa’n
Apnay Senay Per Rakhay Hai Kaa’eynaat-e-zindagii
Ye Zameen Iss Wastay Aey Dost Kehlatii Hai Maa’n
Saal Bhar Main Ya Kabhee Haftay Main Jumay’raat Ko
Zindagi Bhar Ka Silla Ik Fatay’ha Paatii Hai Maa’n
Gumrahee Ki Gard Jam Jaye Na Mayray Chand Per
Barish-e-ema’n Main Yun Rooz Nillhatii Hai Maa’n
Apnay Pehloo Main Litta Kar Rooz Too’tay Ki Tarha’n
Aik, Bara’n, Pach, Choda’n, Hum Ko Rattvatii Hai Maa’n
Umer Bhar Ghaafill Na Hona Matam-e-shabeer Say
Raat Din Apnay Aamal Say Hum Ko Samjhatii Hai Maa’n
Martaba Maa’n Ka Ho Zahir Iss Liye Firdous Say
Apnay Bacho’n K Liye Poshak Mangvatii Hai Maa’n
Yaad Aata Hai Shab-e-aashoor Ka Ka’deal Jawa’n
Jab Kabhee Ulgee Huii Zulfon Ko Suljhatii Hai Maa’n
Sab Say Pahlay Jaan Dayna Fatima K Lal Per
Raat Bhar Own-o-Muhammad Ko Samjahtii Hai Maa’n
Jab Talaq Ye Haath Hain Mahsheer Bay Perdah Na Ho
Ik Bahdur Bavafa Bayttay Say Farmatii Hai Maa’n
Nojawa’n Batta Agar Dam To’D Day Aaghosh Main
Zindagii Bhar Sarr Ko Dewaro’n Say Ttakratii Hai Maa’n
Fatima K Lall Per Qurban Karnay K Liye
Bandh Kar Sahra Jawa’n Ko Lay Aatii Hai Maa’n
Khoon Main Doobay Huaye Aatay Hain Jab Sehray K Phool
Aik Ik Tukray Ko Apnay Dill Say Lipttatii Hai Maa’n
Lash-e-Qasim Per Kaha Zindah Rahii To Aa’on Gii
Ab To Soo’ye Shaam Dulhan Ko Lay Jaatii Hai Maa’n
Lash Per Bayttay Ki Pa’dtii Hai Jawanii Marsiya
Shukar Ka Sajdah, Iss Aalam Main Baja Laatii Hai Maa’n
Allah Allah Itehad Sabar Laylah-o-Hussain
Baap Nay Khenchi Sanaa , Senay Ko Sahlatii Hai Maa’n
Ye Bata Saktii Hum Ko Bas Rubab-e-khasta Tan
Kiss Tarhan Bin Dudh K Bachay Ko Bahlatii Hai Maa’n
Bhejh Kar Bachay Ko Teero’n Main Sakoon-e-Qalab Say
Phir Shahadat K Liye Daman Ko Phelatii Hai Maa’n
Day K Apnay Lal Ko Islam Ki Aaghosh Main
Goud Khalli Phir Soo’ye Jan’at Pal’at Aatii Hai Maa’n
Shimar K Khanjar Say Ya Sukhay Galay Puchh’ye
Maa’n Id’har Mu’n Say Nikalta Hai Ud’har Aatii Hai Maa’n
Aeysa Lagta Hai Kisii Maqtal Say Ab Bhee Waqt-e-aasar
Ik Bareeda Sar Say “Payaasa Hun” Sadaa Aatii Hai Maa’n
Apnay Gham Ko Bhool Kar Rotay Hain Shabeer Ko
Un Ashko’n K Liye Jan’at Say Aajatii Hai Maa’n
Shukriaa Ho He Nahi Saktaa Kabhee Uss Ka Adda
Martay Martay Bhee Duaa Jeenay Ki Day Jaa’tii Hai Maa’n**