Mohabbat zaat hoti hai
Mohabbat zaat ki takmeel hoti hai
Koi jungle main ja thehray
Kisi basti main bas jaye
Mohabbat saath hoti hai
Mohabbat khushbu’oun ki lay
Mohabbat mousamoun ka dhan
Mohabbat aabshaaroon ke nikhartey paniyoon ka husn
Mohabbat jungalon main raqs karti morni ka tan
Mohabbat barf parti sardiyoon main dhoop banti hai
Mohabbat chilchilatey garam sehra main thandi chaoon ki maanind
Mohabbat ajnabi dais main apney gao’on ki maanind
Mohabbat dil
Mohabbat jaan
Mohabbat rooh ka darman Mohabbat moorti hai
Aur kabhi jo dil ke mandir main kaheen par toot jaye to
Mohabbat kanch ki guriya
Fizaoon main kisi k haath se gar choot jaye to
Mohabbat aabla hai karb ka
Aur phoot jaye to
Mohabbat rog hoti hai
Mohabbat sog hoti hai
Mohabbat shaam hoti hai
Mohabbat raat hoti hai
Mohabbat jhilmilati aankh main barsaat hoti hai
Mohabbat neend ki rutt main ratjagoon ki ghaat hoti hai
Mohabbat jeet hoti hai
Mohabbat maat hoti hai
Mohabbat zaat hoti hai
Muqawwee ko qadeem zamana yaad aa gaya hai jab woh bhi young hote thay
Ok mahool, in short, jisse raas aa jaaye mohabbat tu uske liye duniya main hi jannat hai aur agar toot jaaye tu phir dair tak kirchiyon ki tarah chubhti rehti hai. Apne risk pe karen.
