**Mohabbat oos ki soorat,
piyasi pankhari kay hoNt ko sairab karti hai
guloN ki aasteenon main anhokey rang bharti hai
sehar kay jhatpatey main, gungunati,muskurati,jagmagati hai
mohabbat kay dinoN main dasht bhi mehsoos hota hai
kisi firdose ki soorat
mohabbat oos ki soorat
mohabbat abr ki soorat,
diloN ki sir zameeN pay ghir kay ati hai aur barasti hai
chaman ka zarra zarra jhoomata hai, muskurata hai
azal ki baynamoN matti main sabza sir uthata hai
mohabbat un ko bhi abaad aur shadaab karti hai
jo dil hain kabr ki soorat
mohabbat abr ki soorat
mohabbat Aag ki soorat,
bhujey seenoN main jalti hai to dil baidaar hotay hain
mohabbat ki tapish main khuch ajab israr hotay hain
k jitna yeh barhakti hai,uroos-e-jaaN mehakti hai
diloN k sahiloN par jama hoti aur bihkarti hai
mohabbat,jhag ki soorat
mohabbat,aag ki soorat
mohabbat khwab ki soorat,
nighaoN main utarti hai kisi mehtaab ki soorat
sitaray arzoo k is tarha say jagmagatay hain
k pehchani nahi jati dil-e-bay taab ki soorat
mohabbat k shajar par khwab kay panchi utartee hain
to shakhain jag uthtee hain
thakay haray sitaray jab zameeN say baat kartey hain
to kab ki muntazir ankhein
mohabbat in main jalti hai chargh-e-aab ki soorat
mohabbat,khwab ki soorat
mohabbat dard ki soorat
ghuzishta mosamoN ka iste-yara ban k rahti hai
shaban-e-hijr main,roshan sitara ban k rahti hai
munderoN pay charaghon ki lo jab thartharati hain
nagar mainn na umeedi ki hawaain sansanati hain
gali main jab koi ahat,koi saya nahi rehta
dhukey dil kay liay jab koi sahara nahi rehta
ghamoN k bojh say jab tootnay lagtey hain shanay to
yeh un pay haath rakhti hai
kisi hamdarad ki soorat
guzar jatey hain saray qaflqy jab dil ki basti say
fizza main dair tak tairti rehti hai
yeh gard ki soorat,
mohabbat dard ki soorat**
**mohabbat ki tabiyat main
ye kaisa bachpana qudarat ne rakha hai
k jitni purani jitni bhi mazbut ho jaye
ise taid-e-taza ki zarurat phir bhi rahti hai
yaqin ki aKhiri had tak dilon main lahlahati ho
nigahon se tapakti ho lahu main jagmagati ho
hazaron tarah se dilkash hasin hale banati ho
use izhar k lafzon ki hajat phir bhi rahti hai
mohabbat mangati hai yun gavahi apane hone ki
k jaise tifl-e-sada sham ko ik bij boye
aur shab main baura uthe
zamin ko khod kar dekhe
k paudha ab kahan tak hai
mohabbat ki tabiyat main ajab takrar ki Khu hai
k ye iqrar k lafzon ko sunane se nahi thakati
bicharne ki ghari ho ya koi milane ki sa'at ho
ise bas ek hi dhun hai
kaho mujh se mohabbat hai
kaho mujh se mohabbat hai
kuch aisi besakuni hai vafa ki sarzaminon main
k jo ahal-e-mohabbat ko sada bechain rakhti hai
k jaise phul main Khsuhbu k jaise hath main tara
k jaise sham ka tara
mohabbat karne valon ki sahar raton main rahti hai
gumanam k shakhchon main ashiyan banata hai ulfat ka
ye ain visal main bhi hijr k khadshon main rahti hai
mohabbat k musafir zindagi jab kat chukte hain
thakan ki karachiyan chunte vafa ki ajarakn pahne
samay ki rahguzar ki aKhiri sarhad pe rukte hain
to koi dubati sanson ki dori tham kr
dhire se kahta hai
k ye sach hai na
hamari zindagi ik dusare k nam likhi thi
dhundhalaka sa jo ankhon k qarib-o-dur phaila hai
isi ka nam chahat hai
tumhen mujh se mohabbat thi
tumhen mujh se mohabbat hai**
meri nakam sochain
mujh se kehti hain
mohabat har jati hai, mohabat har jati hai
khayalon ki talatum khaiz lehrain
kehti rehti hain
mohabat har jati hai
badn ka rooh se taanka
udharta hai
koi awaz daita hai
mohabat har jati hai
mujy dafna ke jab aaye to boht roye
lagaya qabr pe qutba
mohabat har jati hai...
Boht khud pe jabr kar ke
Mohabat ka safar kar ke
Mita ke har khushi apni
usay panay ki chahat main
mitta ke zindagi apni
mohabat ki musafat main
bas itna jaan paye hain
mohabat maar daiti hai !
