Amjad Islam Amjad Ki Aik Nazm, Jo Jaani Pehchani Si Hai Sab Ke Leay..
Mohabbat Aisa Naghma Hai
Zara Bhi Jhol Ho Lay Main
To Surr Qayam Nahi Hota
Muhabbat Aisa Shola Hai
Hawa Jesi Bhi Chalti Ho
Kabhi Madham Nahi Hota
Mohabbat Aisa Rishta Hai
Ke Jis Main Bandhnay Walo Ke
Dilon Main Gham Nahi Hota
Mohabbat Aisa Pauda Hai
Jo Tabb Bhi Sabz Rehta Hai
Ke Jab Mausam Nahi Hota
Mohabbat Aisa Rasta Hai
Agar Pairon Main Larzish Ho
To Ye Mehram Nahi Hota
Mohabbat Aisa Darya Hai
Ke Baarish Rooth Bhi Jaye
To Paani Kamm Nahi Hota
Umeed Hai Aap Logon Ko Bhi Pasand Aye Gi..
Regards,