mujhay aksar yeh kehti thi
mohabbat kuch nahi hoti
hijr ka khauf bay matlab
wasl kay khwab bay maanay
koi sorat nigahoon main
kahan din raat rehti hai
ussay q khamoshi kahiyay
k jiss main baat rehti hai
yeh ansoo bay zaban ansoo
bhala kia bol saktay hain
kaha dil main kisi ki yaad say
toofan uthtay hain
kaha palkon k sayay main
nami din raat rehti hai
kaha hoti hain wo ankhain
jahan barsaat rehti hai
mujhay aksar yeh kehti thi
mohabbat kuch nahi hoti
magar jab aj barson baad
main nay uss ko dekha hai
k uss ki jheel ankhon main
hijr ka khauf rehta hai
wasl k khwab rehtay hain
wahan barsat rehti hai
yon lagta hai kayi raton say
woh soyi nahi shayad
yon lagta hai kisi ki yaad ab
din raat rehti hai
aur uss ki narm palkon kay
haseen sayay bhi geelay hain
aur uss ki khamoshi aisi
k jiss main baat rehti hai
mujhay ab wo nahi kehti
mohabbat kuch nahi hoti
kay ab shayad mohabbat ki
woh sub ramzain samjhti hai
