Mohabbat kab badalti hai ..

Arts & Culture Poetry ( Intikhaab & Sho'ra-e-Gupshup)
1

Musafir to bichartey hein,rafaqat kab badalti hai
mohabbat zinda rehti hai,mohabbat kab badalti hai

tumhi ko chahtey hein,tumhi say pyaar kartey hein
yehi barsoun say adat hai aur adat kab badalti hai

tumhein jo yaad rakha hai yehi apni ibadat hai
jo pathar pay likhi jaye, ibarat kab badalti hai

kali ka phool banna aur bikhar jana muqadar hai
yehi kanoon-e-fitrat hai aur fitrat kab badalti hai

jo dil pay naqash kar jaye aur aankon mein simat aye
alamat hai ye chahat ki aur chahat kab badalti hai

ussey chaha,ussey pooja,yehi toqeer hai apni
hamein gumrah mat samjho,ibadat kab badalti hai

puraney zakham ko Arshad bhula dena hi acha
na chahey aap hi koi to kismat kab badalti hai

2

Bohat achey Ghazal ji. :clap:

3

jo dil pay naqash kar jaye aur aankon mein simat aye
alamat hai ye chahat ki aur chahat kab badalti hai

very nice…:k::k:

4

beautiful :k::k:

5

Wow.. zabar10

waisay who is the poet :o..

6

Re: Mohabbat kab badalti hai ..

[QUOTE]
*Originally posted by ghazal kisi ke: *

Musafir to bichartey hein,rafaqat kab badalti hai
mohabbat zinda rehti hai,mohabbat kab badalti hai

tumhi ko chahtey hein,tumhi say pyaar kartey hein
yehi barsoun say adat hai aur adat kab badalti hai



[/QUOTE]

Ghazal Ji,

Nice one as always.

Keep posting

Saqi

7

Wah Wah very nice
thx for sharing ghazal :flower1:

tumhi ko chahtey hein,tumhi say pyaar kartey hein
yehi barsoun say adat hai aur adat kab badalti hai

yah who is the poet??

8

Bahut khoob Ghazal Jee :k:

Thanx for sharing :flower1:

9

bohat khoob GKK :k:

10

very nice :k:

11

Ghazal Ji,

Hazir Khidmat hai yeh ghazal:

aisaa nahii.n ki un se mohabbat nahii.n rahii

aisaa nahii.n ki un se mohabbat nahii.n rahii
jazbaat me.n vo pahalii sii shiddat nahii.n rahii

sar me.n vo intazaar kaa saudaa nahii.n rahaa
dil par vo dha.Dakano.n kii hukuumat nahii.n rahii

paiham tavaaf-e-kuuchaa-e-jaanaa ke din gaye
pairo.n me.n chalane phirane kii taaqat nahii.n rahii

chehare kii jhurriyo.n ne bhayaanak banaa diyaa
aa_iinaa dekhane kii bhii himmat nahii.n rahii

kam_zorii-e-nigaah ne sanjiidaa kar diya
jalvo.n se chhe.D-chhaa.D kii aadat nahii.n rahii

allaah jaane maut kahaa.N mar ga_ii 'Khumar'
ab mujh ko zindagii kii zaruurat nahii.n rahii