Ye jo palkon pe rim-jhim sitaron ka maila sa hai
Ye jo tere bina koi itna akela sa hai
Zindagi teri yadon se mehka hua shaher hai
Sab mohabbat ka aik pehar hai
Sahilon pe gharonde banaye they hum ne
Tumhain yaad hai?
Rang barish main kaise uraye they hum ne
Tumhain yaad hai?
Jane kis k liye ghar sajaye they hum ne
Tumhain yaad hai?
**Koi khushboo ka jhonka idhar a nikalta kahin **
Gum hai neendon k sehra main khuwabon ka rasta kahin
Her khushi aate jaate hue waqt ki lehar hai
Sab mohabbat ka aik pehar hai
Zindagi dhoop chahon ka aik khel hai
Bheer chat’ti nahi
Or isi khail main din guzarta nahi
Raat kat’ti nahi
Piyar karte hue aadmi ki kabhi
Umer ghat’ti nahi
Dil ki dehleez per aks roshan tere naam se
**Ratjage aainon main khile hain kahin shaam se **
Aik dariya hai charon taraf darmian behar hai
Sab mohabbat ka aik pehar hai