**Usay kehna bicharrne se mohabbat tou nahi marti,
Bicharr jaana mohabbat ki sadaqat ki alamat hai,
Mohabbat ain fitrat hai, haan fitrat kub badalti hai?
So jub hum door ho jayen naye rishton main kho jayen,
To ye mut soch lena tum mohabbat mar gai ho gi,
Nahi aisa nahin ho ga mere baray main sun k jub tumhari aankh bhar aaye,
Chalak ker aik bhi aansoo palak per jo utar aaye,
Tou bus itna samajh lena jo mere naam se itni tere dil ko aqeedat hai,
Tere dil main bicharr ker bhi meri mohabbat hai,
Mohabbat to bikher ker bhi sada abaad rehti hai,
Mohabbat ho kisi se tou humesha yaad rehti hai…!!!
**