**Mohabbat
Mohabbat ek ajeeb uljha uljha tajurba hai
kabhi yeh za’am woh mera hai sirf mera
kabhi yeh soch woh auroN se sir-garaaN to nahi
kisi ke paas kisi ki bazm mein kaheeN na kaheeN
mere khayaal se begaana apne aap me mast
magar na jaane yeh junuN ka kaisa marhala hai
keh is fareb-e-takhaiyul mein mubtala huN maiN
woh mujh se door bhi hai aur mere paas bhi hai
woh mujh ko bhool ke mere liye udaas bhi hai
garaz yeh waham-o-yaqeeN ka ajeeb silsila hai
Mohabbat ek ajeeb uljha uljha tajurba hai**