salaam Peeps … a poem 4 all of u ummm plzzzz zara …
Mohabat Dil
Mohabat Jaan
Mohabat rooh ka darmaan
Mohabat moorti hay
Aur kabhi jo dil k mander mein kahin par toot jaye tu
Mohabat kaanch ki gurya
Fizaoon mein kisi k haath se gir choot jaye tu
Mohabbat aabla hay karab ka
Aur phoot jaye tu
Mohabbat rog hoti hay
Mobahat sog hoti hay
Mohabat sham hoti hay
Mohabat raat hoti hay
Mohabat jhilmilati aankhoon mein Barsaat hoti hay
Mohabbat neend ki rut mein haseen khaboon k rastey par
Sulagti jaan ko aatey rutjagoon ki Ghaat hoti hay
Mohabat jeet hoti hay
Mohabat maat hoti hay
Mohabat zaat hoti hay
Mohabat zaat ki takmeel hoti hay
Koi jungle mein tehar jaye, kisi basti mein bas jaye
Mohabat saath hoti hay
Mohabat Khushboaoon ki lay
Mohabat mausamoon ki dhun
Mohabat aabsharoon k nikhartey paniyoon ka maan
Mohabat jungloon mein raqs karti morni ka tun
Mohabat burf parti sardiyoon mein Dhoop banti hay
Mohabbat chilchalati garam sehraoon mein
Thandi chaoon ki manind
Mohabat ajnabi duniya mein apney gaoon ki manind
Mohabat Dil
Mohabat jaan
Mohabat rooh ka darmaan
Take care n keep smilin peeps