Re: mohabbat chup nahi rehti.
woh kehti hay, kay khusion may bhi tum toh ronay lagtay ho
may kehta hoon, mere aankho’n ko sawan acha lagta hay
woh boli, tum bhi Farhat zindage say roth jaao gay
may bola, haan, shayad mout mujhe say maan jayay gee
woh boli, tum khushi kay geet ko mayoos kartay ho
may bola, kia karon in mukhtasir geeto’n ka mossam hay
woh boli, tum toh Farhat khud he khud say haar jaatay ho
may bola, kia karon kamzoor hoon aur bay-sahara hoon
woh boli, kia yeh sub kuch itafaqan hay tumhara ghum
may bola, yeh bhi mumkin hay yeh sub ehtaraman ho
mohabbat may ghumo’n ke is qadar yalgaar kion, … boli
may bola, tum kese din yeh to apnay aap say poocho
woh kehti hay, suno Farhat! tumhara khwab kion tot-ta
may kehta hoon, Sarabi! dil may koi kehnch parte hay
tumhari shayri may zindagi ke siskiaa’n kion hayn
may bola, aanso’n ke ibtadaye shakal jo tehre
woh kehti hay kay Farhan Shah may kuch muztarib se hoon
may kehta hoon, Sarabi! tum toh mere roh jese ho
woh kehti hay, tumhien kion khoof aata hay hawao’n say
may kehta hoon, Sarabi! deep to aisay he hotay hayn
woh kehti hay, chalo Farhat! hawa kay sath chaltay hayn
**may khamoshi say uskay sath chal dayta hoon bohjnay ko 
**
woh mujhe say poochti hay, tum kahan gayab ho sadion say
may kehta hoon, hazaro’n waswaso’n kay darmia’n ghum hoon
woh mujhe say poochti hay, raat ki bay-chainian kia hayn
may kehta hoon, wohee jo doorion kay dil may hote hayn
woh mujhe say poochti hay, khoof ka doorania kia hay
may kehta hoon, jo dil aur ghum ka hota hay musebat may
woh mujhe say poochti hay, baadlo’n ke umar kitne hay
may kehta hoon, tamazat kay mutabik paanio’n kay waqat jitne hay
woh mujhe say poochti hay, raat itne bay-zuba’n kion hay
may kehta hoon, zuba’n to dard ke shidat ke hote hay
woh kehti hay, yeh khamoshi bhi kuch to souchti ho gee
may kehta hoon, wohee jo guftaar ke behir may koh jayay
woh kehti hay kay Farhat kuch dino say boltay kam ho
may kehta hoon, *kaye dukh bolnay say rok daytay hayn :sigh:
*
woh kehti hay, mujhe yeh souch kar batla may kese hoon
**woh kehta hay, Sarabi! souchnay may waqat lagta hay
**
may kehta hoon, tumhein darya kinaray kesay lagtay hayn
woh kehti hay, tumhein bicharay saharay kesay lagtay hayn
may kehta hoon, mujhe tum hansti gaate aachi lagti ho
**woh mujhe say poochti hay, dard say darnay lagay ho kia :k:
**
woh boli, raat say kia baat kartay ho akelay may
may bola, dard ke, kuch kuch mohabbat ke, judayi ke
woh boli, chand kia aata hay tum say chonchalein karnay
may bola, haa’n khabhi sapno’n kay angan may utarta hay
woh boli, kon aksar yaad aata hay uddasi may
may bola, kuch **puranay rastay, bachpan aur ek larki
**
woh boli, dard ke jazyaat may parnay say kia behtar
may bola, dard ko khush khush sahein aur kooch kar jayein