mujay khud se mohabbat hai
mohabbat bhi kuch aisi
jo kisi sehra ko barish se
ke barish jis qadar bhi toot kar barsay
zara pal bhar ko payaasi reat ke lub bheeg jatay hain
magar bus zara aik pal bhar
mujay khud se mohabbat hai
mohabbat bhi kuch aisi
jo parindon ki fiza,on se
gulon ko khushboo,on se
manzaron ko lehle,haatay mosmon se
ke jis mean choonay jazab rakhnay aur galay mil ke hamesha
muskranay ke liya
dil chahaton aur khwahish,on ki sub hadon ko paar kar jaye
mujay khud se mohabbat hai
magar itni nahi
jitni meray sodaaie ko muj se
woh apnay raat aur din,dhoop,chhaon,sahilon
darya,kinaron ko
faqat ek meray nuqtay mean sametay
aur meri chahaton mean
aankh se dil,rooh se wajdaan ki har kafieyat mean doobta
rota,oubharta,muskrata
zaat aur marooz ke sub hawalon se kab ka kut chucka hai
aur mujay iss se mohabbat hai
mohabbat bhi kuch aisi
jo kisi sehra ko barish se
Re: Mohabbat bhi kuch aisi
Very Nice.. Tnx for Sharing 
Re: Mohabbat bhi kuch aisi
thank u GS