MohabatooN kay Naseeb; from Kalam-e-Tahir
*Meray dard ki jo dawa karay, koi aisa shaks hua karay
Woh jo bayPanah udas ho, magar hijar ka na gila karay
Meri chahateeN, meri QurbataiN, jisay ya’ad ayeeN qadam qadam
Tou woh sub say chup kay libas-e-shub miaN lipat kay ah-o-baka karay
Barhay oss ka ghum tou karar kho day, woh meray ghum kay khyal say
OthaiN hath apnay liyay tou phir bhee meray liyay hi dua karay
Yeay qasas ajeeb-o-ghareeb haiN, yeay mohabatooN kay naseeb haiN
Mujhay kaisay khud say juda karay, osay kuch batao kay kia karay
**Kabhee tayh karay yonhi soch soch maiN woh firaq kay faslay
Meray peechay aa kay, dabay dabay, meri ankhaiN mondh hunsa karay
Bara shoor hay Meray Shaher maiN kisi ajnabi ka nazool ka
Woh meri hi jaaaN na ho kaheeN, koi kuch tou ja kay pata karay**
Yeah tou meray dil hi ka aaks hay, maiN nahiN hooN par meray Aarzoo
Ko junoon hay, mujhay yeay bana day tou phir jo chahay qaza karay
Bhala kaisay apnay hi aaks ko maiN rafeeq-e-jaaN bana sakooN
Koi Oor ho tou bata tou day, koi hay kaheeN tou sada karay
Osay dhondatee hay gali gali, meri khalwatooN ki odasiyaaN
Woh Milay tou bus yeah kahooN kay aa, mera Moula tera bhala karay*