Mirza Ghalib.....

Arts & Culture Poetry ( Intikhaab & Sho'ra-e-Gupshup)
1

1. har ek baat pe kehte ho tum ke ‘too kya hai’ ?
tumheeN kaho ke yeh andaaz-e-guftgoo kya hai ?

2. na shole meiN yeh karishma na barq meiN yeh ada
koee batao ki woh shoKH-e-tund_KHoo kya hai ?<O:p

3. yeh rashk hai ki wo hota hai ham_suKHan tumse
**wagarna KHauf-e-bad_aamozi-e-adoo kya hai ? **

4. chipak raha hai badan par lahoo se pairaahan
hamaaree jeb ko ab haajat-e-rafoo kya hai ?<O:p

5. jalaa hai jicm jahaaN dil bhee jal gaya hoga
**kuredate ho jo ab raakh, justjoo kya hai ? **

<O:p
6. ragoN meiN dauDte pirne ke ham naheeN qaaya
**jab aaNkh hee se na Tapka to fir lahoo kya hai ? **<O:p

7. woh cheez jiske liye hamko ho bahisht azeez
**siwaay baada-e-gul_faam-e-mushkaboo kya hai ? **<O:p

**8. **rahee na taaqat-e-guftaar, aur agar ho bhee
to kis ummeed pe kahiye ke aarzoo kya hai ?<O:p

9. huaa hai shaah ka musaahib, fire hai itaraata
wagarna shehar meiN ‘GHalib’ kee aabroo kya hai ?

2

Re: Mirza Ghalib.....

1. na tha kuchch to KHuda tha, kuchch na hota to KHuda hota
*duboya mujhko hone ne, na hota maiN to kya hota ? *

2. huaa jab GHam se yooN behis to GHam kya sar ke kaTne ka
*na hota gar juda tan se to zaanooN par dhaRa hota *<O:p

3. huee muddat ke 'GHalib' mar gaya par yaad aata ha
*wo har ek baat pe kehana, ke yooN hota to kya hota ? *<O:p

3

Re: Mirza Ghalib.....

1. MeherabaaN hoke bula lo mujhe chaaho jis waqt
*maiN gaya waqt naheeN hooN ke phir aa bhee na sakooN *

2. zauf meiN taana-e-aGHayaar ka shikawa kya hai ?
*baat kuchch sar to naheeN hai ke uTha bhee na sakooN *<O:p

3. zehar milta hee naheeN mujhko sitamgar, warana
*kya qasam hai tere milne kee, ke kha bhee na sakooN *